Bakı. Trend:
Azərbaycanın tanınmış aktyoru Ələsgər Məmmədoğlu dünən dünyasını dəyişib.
Trend-in məlumatına görə, Ə.Məmmədoğlu hələ keçən ay yüksək təzyiq diaqnozu ilə Əjdər Məlikov adına 6 saylı Birləşmiş Şəhər Xəstəxanasına yerləşdirilmişdi. Mərhum bu gün dəfn ediləcək.
Ə.Məmmədoğlu 9 fevral 1946-cı ildə Bakı şəhərində anadan olub. 1975-ci ildə M.A.Əliyev adına Azərbaycan Dövlət İncəsənət İnstitutunun dram və kino aktyorluğu fakültəsini bitirib. 1977-ci ildə Akademik Milli Dram Teatrının artist heyətinə qəbul edilib. 1982-ci ildə Sumqayıt Dövlət Dram Teatrına, 6 aydan sonra isə Tədris Teatrına keçib.
Bir çox tamaşa və filmlərdə unudulmaz obrazlar yaratmış Ə.Məmmədoğlu 2002-ci ildə Azərbaycan Respublikasının Əməkdar Artisti fəxri adına layiq görülüb.
Allah rəhmət eləsin!