...

Əli Əhmədov: Hakimiyyətin əsas məqsədi azad, şəffaf və demokratik seçkilər keçirməkdir

Seçki 2015 Materials 28 Oktyabr 2015 11:25 (UTC +04:00)
“Azərbaycan hakimiyyətinin əsas məqsədi azad, şəffaf və demokratik seçkilər keçirməkdir. Bunun üçün Azərbaycanda həm siyasi, həm də qanunverici baza mövcuddur”.
Əli Əhmədov: Hakimiyyətin əsas məqsədi azad, şəffaf və demokratik seçkilər keçirməkdir

Azərbaycan, Bakı, 28 oktyabr /Trend/

"Azərbaycan hakimiyyətinin əsas məqsədi azad, şəffaf və demokratik seçkilər keçirməkdir. Bunun üçün Azərbaycanda həm siyasi, həm də qanunverici baza mövcuddur".

Trend Seçki-2015.az saytına istinadən xəbər verir ki, bunu Baş nazirin müavini, Yeni Azərbaycan Partiyasının (YAP) sədr müavini, icra katibi Əli Əhmədov rusiyalı jurnalistlərlə görüşdə belə deyib.

Baş nazirin müavini bildirib ki, Azərbaycanda demokratik seçki mühiti mövcuddur və hazırki ictimai-siyasi vəziyyət də şəffaf seçkilərin keçirilməsinə imkan verir.

YAP-ın seçkilərdən gözləntilərinə gəlincə, Əli Əhmədov bildirib ki, hakim partiya 5 il əvvəl qazandığı uğurları bu seçkilərdə də təkrarlamaq niyyətindədir: "Ölkə rəhbərliyinin uğurlu siyasəti nəticəsində Azərbaycanın qazandığı nailiyyətlər partiyanın hər bir namizədinə təbliğat-təşviqat mərhələsini uğurla aparmağa, ən əsası YAP-ın seçkilərdə qələbəsinə böyük əsas yaradır. Ötən seçkilərdə YAP-ın 71 namizədi parlamentə mandat qazandı. Bu isə Milli Məclisdəki yerlərin 60 faizi deməkdir. Bu seçkilərdə də qələbəni təkrarlamaq imkanımız var".

YAP-ın sədr müavini bəzi beynəlxalq qurumların, xüsusilə ATƏT-in Demokratik Təsisatlar və İnsan Haqları Bürosunun müşahidə missiyasının seçkiləri izləməkdən imtina etməsinə də toxunub: "Bilmirəm, bu təşkilat hansı əsasla belə bir qərar verib? Amma düşünürəm ki, bunun seçkilərə heç bir təsiri olmayacaq".

Məqalədə:
Xəbər lenti

Xəbər lenti