...

Ötən ilin 9 ayında yol hərəkəti qaydaları üzrə 93,2 milyon manat cərimə yazılıb

Gündəm Materials 18 Fevral 2021 17:08 (UTC +04:00)
Ötən ilin 9 ayında yol hərəkəti qaydaları üzrə 93,2 milyon manat cərimə yazılıb

Bakı. Samir Əli - Trend:

2020-ci ilin yanvar-sentyabr aylarında yol hərəkəti qaydaları əleyhinə 2846,5 min inzibati xəta aşkarlanıb.

Bu barədə Trend-ə Dövlət Statistika Komitəsindən məlumat verilib.

Məlumata görə, xətaların 34,4 faizi yolda müəyyən edilmiş hərəkət sürəti həddinin aşılması, 20,7 faizi dayanma və ya durma qaydalarının pozulması, 8,7 faizi yol nişanlarının və ya yolların hərəkət hissəsinin işarələrinin tələblərinə riayət edilməməsi, 8,3 faizi svetoforun və ya nizamlayıcının qadağanedici işarəsi verilərkən hərəkətin davam etdirilməsi, 7,3 faizi təhlükəsizlik kəmərini bağlamadan nəqliyyat vasitəsinin idarə olunması, 4,1 faizi epidemiya əleyhinə rejimin, sanitariya-gigiyena və karantin rejimlərinin pozulması, 3,2 faizi icbari sığorta müqaviləsinin bağlanmaması, qalan hissəsi isə digər səbəblər üzrə aşkarlanıb.

Qaydaların pozulmasına görə 93,2 milyon manat məbləğində cərimələr tətbiq edilib.

Məqalədə:
Xəbər lenti

Xəbər lenti