Bakı. Trend:
Bakı şəhəri, Nəsimi rayonu, Səməd Vurğun küçəsində yerləşən restoranda baş vermiş yanğın Fövqəladə Hallar Nazirliyinin Dövlət Yanğından Mühafizə Xidmətinin yanğından mühafizə bölmələri tərəfindən söndürülüb.
Bu barədə Trend-ə nazirlikdən məlumat verilib.
xxx
17:47
Bakının mərkəzində yerləşən məşhur restoranda yanğın başlayıb.
Trend-in məlumatına görə, hadisə paytaxtın Nəsimi rayonunda yerləşən "Yüngül Cinayətlər" restoranında baş verib.
Hadisə yerinə Fövqəladə Hallar Nazirliyinin əməkdaşları cəlb olunub. Yanğının söndürülməsi işləri davam edir.
