Bakı. Trend:
10 fevral 2023-ci il tarixində Qaradağ Rayon İcra Hakimiyyətinin başçısı Süleyman Mikayılovun Puta qəsəbə sakinləri ilə növbəti səyyar görüşü keçirilib.
Tədbirdən öncə 5 fevral gecə saatlarında Türkiyənin bir sıra
şəhərlərində baş vermiş zəlzələ nəticəsində həlak olmuş insanların
ruhu 1 dəqiqəlik sükutla yad edildi.
Qəbulda Puta qəsəbə sakinləri, həmçinin rayonun hüquq mühafizə
orqanlarının, idarə, müəssisə və təşkilatlarının rəhbərləri iştirak
ediblər.
Keçirilmiş səyyar qəbulda 40-a yaxın qəsəbə sakinləri iştirak etmişdir.
Sakinlərdən 9 nəfəri fərdi qaydada dinləyən Rayon İcra Hakimiyyətinin başçısı Süleyman Mikayılov qaldırılan məsələlərin həlli ilə bağlı aidiyyəti təşkilatların rəhbərlərinə müvafiq tapşırıqlarını vermiş, bəzi müraciətlər yerindəcə həll edilmişdir.
Qəsəbə sakinləri əhalinin problemlərinin həll edilməsi məqsədilə
yerlərdə həyata keçirilən tədbirlərə, göstərilən yüksək diqqət və
qayğıya görə Azərbaycan Respublikasının Prezidenti İlham Əliyevə
minnətdarlıqlarını ifadə ediblər.
Qeyd edək ki, Qaradağ Rayon İcra Hakimiyyətinin başçısı Süleyman
Mikayılov tərəfindən digər qəsəbələrdə də əhali ilə görüşlər davam
etdirilir.