Bakı. Trend:
Ümumdünya Səhiyyə Təşkilatı (ÜST) dünya ictimaiyyətini Türkiyə və Suriyanın zəlzələdən zərər çəkmiş sakinlərinə tibbi yardım göstərmək üçün təcili olaraq 84,5 milyon dollar ayırmağa çağırıb.
Trend-in məlumatına görə, bu barədə ÜST-dən məlumat verilib.
Bildirilib ki, söhbət, xüsusilə, həyati vacib dərmanların və tibbi ləvazimatların təchizatından gedir.
"ÜST Türkiyə və Suriya Ərəb Respublikasında baş verən zəlzələdən sonra səhiyyə üçün təcili yardım üçün 84,5 milyon dollar tələb edir", - deyə bildirilib.
Qeyd olunub ki, ÜST-nin cavab tədbirinə "həyat xilasedici dərmanların və digər tibbi ləvazimatların çatdırılması, ehtiyacı olanlara qayğı göstərmək üçün zəruri tibbi xidmətlər və ləvazimatlarla təmin etmək üçün təcili tibbi yardım qrupları şəbəkəsinin işə salınması" daxildir.