...

Türkiyədə prezident və parlament seçkiləri başa çatıb

Gündəm Materials 14 May 2023 18:00 (UTC +04:00)
Türkiyədə prezident və parlament seçkiləri başa çatıb
Humay Ağacanova
Humay Ağacanova
Bütün xəbərlər

Bakı. Trend:

Bu gün Türkiyədə prezident və parlament seçkiləri keçirilib.

Trend-in məlumatına görə, Türkiyə prezidenti, Ədalət və İnkişaf Partiyasının (AK Parti) rəhbəri Rəcəb Tayyib Ərdoğan, Ata İttifaqının namizədi Sinan Oğan və Cumhuriyyət Xalq Partiyasının (CHP) sədri Kamal Kılıçdaroğlunun namizədliyi təsdiqlənib.

Bununla yanaşı Türkiyə Böyük Millət Məclisinə 87 seçki dairəsində 600 millət vəkili seçiləcək. Seçkilərdə 24 partiya və 151 müstəqil namizəd iştirak edib.

Türkiyə ərazisində 191 mindən çox seçki qutusu qurulub. Ölkə daxilində 60 milyon 697 min 843 seçici qeydə alınıb. Onlardan 5 milyona yaxını ilk dəfə səs verənlərdir.

Səsvermə Ankara vaxtı ilə saat 08:00-da başlayıb. Yüksək Seçim Qurumunun sədri Ahmet Yener ilkin nəticələrin bu gün elan olunacağını bildirib.

Məqalədə:
Xəbər lenti

Xəbər lenti