Bakı. Trend:
Daxili İşlər Nazirliyində Elşad Hacıyevə yeni vəzifə verildi.
Trend xəbər verir ki, Daxili işlər naziri Vilayət Eyvazovun imzaladığı əmrlə Elşad Hacıyev Daxili İşlər Nazirliyinin Mətbuat xidmətinin rəisi təyin olunub. Bununla bağlı daxili işlər naziri general-polkovnik Vilayət Eyvazov müvafiq əmr imzalayıb.
Xatırladaq ki, daha əvvəl Daxili İşlər Nazirliyinin (DİN) Mətbuat xidmətinin rəisi polis polkovniki Ehsan Zahidov təqaüdə göndərilib. Elşad Hacıyev isə bu zamana kimi nazirliyin Mətbuat Xidmətinin şöbə rəisi vəzifəsində çalışıb.