Bakı. Trend:
Aşkarlanmış meyit qalıqlarının eyniləşdirilməsi prosesində şəxsiyyəti müəyyən olunmuş I Qarabağ müharibəsində itkin düşmüş Azərbaycan vətəndaşı Abdullayev Nurəli Hacıbaba oğlu Suraxanı rayonu, Bülbülə qəsəbəsi Şəhidlər xiyabanında dəfn edilib.
Trend-in məlumatına görə, dəfn mərasimində şəhidin yaxınları, rayonun rəsmi şəxsləri, ictimaityyət nümayəndələri iştirak edib.
xxx
11:54
Aşkarlanmış meyit qalıqlarının eyniləşdirilməsi prosesində şəxsiyyəti müəyyən olunmuş I Qarabağ müharibəsində itkin düşmüş Azərbaycan vətəndaşı Abdullayev Nurəli Hacıbaba oğlunun Suraxanı rayonu, Bülbülə qəsəbəsi Şəhidlər xiyabanında dəfn mərasimi keçirilir.
Trend-in məlumatına görə, dəfn mərasimində şəhidin yaxınları, rayonun rəsmi şəxsləri, ictimaityyət nümayəndələri iştirak edir.
Qeyd edək ki, avqustun 1-15-dək aparılan qazıntı işləri nəticəsində Şuşa həbsxanası ərazisində 17 şəxsə aid ehtimal edilən insan qalıqları aşkarlanıb.
Xatırladaq ki, bundan əvvəl iyun ayında Şuşa şəhərində Şuşa həbsxanasının ərazisində kütləvi məzarlıq aşkar edilib.
İndiyədək isə kütləvi məzarlıqlar Ağdam rayonunun işğaldan azad olunan Sarıcalı kəndi ərazisində, Şuşa rayonun Daşaltı kəndində, Xocavənd rayonunun Edilli kəndində, Xocalı rayonunun Fərrux kəndində, Füzuli rayonunun Yuxarı Seyidəhmədli kəndində, Kəlbəcərdə, Ağdamda və digər yaşayış məntəqələrində aşkarlanıb.