Azərbaycan, Bakı,14 may / Trend , müxbir K.Zərbalıyeva/ Ədliyyə Nazirliyinin Mühafizə Alayının əsgəri xərçəng xəstəliyindən dünyasını dəyişib.
Bakı şəhər Hərbi Prokurorluğundakı mənbədən çərşənbə günü Trend a bildirilib ki, Mühafizə Alayının Salyanın Xələc qəsəbəsindəki "N" saylı hərbi hissəsinin əsgəri Fərid Quliyev leykoz (qan xərçəngi) diaqnozu ilə Onkoloji Xəstəliklər İnstitutuna yerləşdirilib. Ağır vəziyyətdə olan əsgərin həyatını xilas etmək mümkün olmayıb və o, bu gün xəstəxanada ölüb.
19 yaşlı Quliyev dörd ay əvvəl Sabirabad rayon hərbi komissarlığından hərbi xidmətə çağırılıb.
Faktla bağlı araşdırma aparılır.
Müəlliflə əlaqə saxlamaq üçün elektron ünvan - [email protected]