Azərbaycan, Bakı, 10 iyul / Trend , muxbir K.Zərbalıyeva/ Naxçıvan Dövlət Universiteti şəhərciyində yaşayan sakinlər köçürüləcək. Sakinlərin öz evlərindən köçürülməsinə səbəb həmin ərazidə Naxçıvan Dövlət Universiteti üçün yeni korpusların-Beynəlxalq İqtisadi Münasibətlər və Xarici Dillər Fakultələrinin tikintisinin nəzərdə tutulmasıdır.
Trend-News -un məlumatına görə, adıçəkilən ərazidə yaşayan 30 ailəyə bu barədə xəbərdarlıq edilib
Sakinlərə bu gündən başlayaraq, köçmək üçün 20 gün vaxt verilib.
Ərazidə yaşayan sakinlərin əksəriyyəti Naxçıvan şəhərinin üçüncü mikrorayonunda yeni tikilmiş 4 mərtəbəli binaya köçürüləcək. Artıq həmin ailələrə yeni evlərinin orderləri də təqdim olunub.
Yeni binada Universitet şəhərciyindən köçürülən ailələrin hamısının evlə təmin olunması mümkün olmayıb. Bunlarin arasında iki akademik-Naxçıvan Dövlət Universitetinin rektoru, millət vəkili İsa Həbibbəyli və AMEA-nın Naxçıvan bolməsinin sədri, millət vəkili İsmayıl Hacıyev, bir neçə elmlər doktoru və namizədi də var.
Müəlliflə əlaqə saxlamaq üçün elektron ünvan - [email protected]
