Azərbaycan, Bakı, 12 aprel /Trend, müxbir K.Zərbalıyeva/
Azərbaycanın paytaxtında yaşayış evində partlayış baş verib.
Fövqəladə Hallar Nazirliyinin internet saytının məlumatına görə, Bakı şəhəri, Nəsimi rayonunda vətəndaşa məxsus - ümumi sahəsi 45 kv.m olan üçotaqlı mənzilin mətbəxində partlayış baş verib.
Partlayış zamanı yanğın olmayıb.
Nəticədə, mətbəxdə qapı-pəncərə çərçivələri və aynabənd uçub, ev sahibinin oğlu yanıq xəsarəti alıb. Zərərçəkmiş xəstəxanaya aparılıb.
İlkin ehtimala görə, partlayışa məişət qazının sızması səbəb olub. Hadisə ilə əlaqədar müvafiq qurumlar tərəfindən təhqiqat aparılır.