Azərbaycan, Bakı, 3 may /Trend, müxbir K.Zərbalıyeva/
Azərbaycanın Quba rayonu Küsnət kəndində dağlıq ərazidə torpaq sürüşməsi baş verib.
Fövqəladə Hallar Nazirliyinin rəsmi saytının bazar ertəsi yaydığı məlumata görə, torpaq sürüşməsi, təxminən, 6 ha ərazini əhatə edib.
Sürüşmə zonasında yerləşən tikililərdə zədələnmə qeydə alınmayıb. Sürüşmə prosesinin aktiv olduğu bildirilir.
Quba paytaxt Bakıdan 170 kilometr şimalda yerləşir.
