Azərbaycan, Bakı, 18 yanvar /Trend, müxbir K.Zərbalıyeva/
Xaçmaz şəhərində mənzildə yanğın olub, bir nəfər ölüb.
Fövqəladə Hallar Nazirliyinin rəsmi saytının çərşənbə axşamı yaydığı məlumata görə, vətəndaşa məxsus ümumi sahəsi 120 kvadratmetr olan birmərtəbəli, 4 otaqlı fərdi evdə yataq dəsti və 0,5 kvadratmetr sahədə döşəmənin yanar konstruksiyaları yanıb.
Yanğın yerinin kəşfiyyatı zamanı 1965-ci il təvəllüdlü Mənsimov Ramiz Teyyub oğlunun cəsədi aşkarlanıb.
Hadisə ilə əlaqədar müvafiq qurumlar tərəfindən araşdırma aparılır.