Azərbaycan, Bakı, 4 may /Trend, müxbir K.Zərbalıyeva/
Bakı polisi 2 kiloqramdan artıq heroin satan şəxsi saxlayıb.
Daxili İşlər Nazirliyinin mətbuat xidmətindən Trend-ə verilən məlumata görə, Bakı şəhər Baş Polis İdarəsinin Narkotiklərlə Mübarizə İdarəsi əməkdaşlarının həyata keçirdikləri əməliyyat-axtarış tədbirləri nəticəsində Cəlilabad rayon sakini Anar Əliyev 2 kiloqram 105 qram narkotik vasitə olan heroini satarkən tutulub.
Onun evinə baxış keçirən əməliyyat qrupunun üzvləri oradan əlavə olaraq 1 kiloqram 280 qram heroin aşkar edərək götürüblər.
Faktla əlaqədar əməliyyat-axtarış və istintaq tədbirləri davam etdirilir.