Azərbaycan, Bakı, 26 avqust /Trend/
Nigeriyanın paytaxtı Abuca şəhərində BMT nümayəndəliyinin ərazisində cümə günü partlayıcı qurğunun işə düşməsi nəticəsində bir neçə nəfər həlak olub. Trend-in məlumatına görə, bu barədə "Royter" agentliyi hadisə şahidlərinə istinadən məlumat verib.
Məlumata görə, partlayış nəticəsində BMT missiyasının üçmərtəbəli binasının bir hissəsi dağılıb.
Hadisənin başvermə səbəbləri, həlak olanların və xəsarət alanların sayı barədə məlumatlar dəqiqləşdirilir.