Azərbaycan, Bakı, 11 noyabr /Trend, müxbir A.Tağıyeva/
İsrailin "Neron" tipli pilotsuz uçuş aparatı Türkiyənin Adana şəhərinin Karataş rayonunun yaxınlığında Aralıq dənizi sularına düşüb. Bu barədə Trend cümə günü "Sabah" qəzetinə istinadən xəbər verir.
Məlumata əsasən, qəzaya uğrayan pilotsuz aparat yerli balıqçıların toruna düşüb, bundan sonra konkret təhlillərin aparılması üçün Ankaraya müvafiq orqanlara göndərilib.
Rayonun qubernatoru Mustafa Kılıç bu faktı şərh etməkdən imtina edib. Onun sözlərinə görə, bu məsələ barədə dəqiq məlumata malik deyil.