Azərbaycan, Bakı, 1 dekabr /Trend, müxbir M.Əliyev/
Azərbaycan Daxili İşlər Nazirliyi Ağstafada altı nəfərin ölümü ilə nəticələnən ağır yol qəzası ilə bağlı məlumat yayıb.
DİN-in mətbuat xidmətindən cümə axşamı Trend-ə bildiriblər ki, noyabrın 30-da saat 23:00 radələrində Ağstafa rayonu ərazisində rayon sakini Xaliq Aslanovun idarə etdiyi "VAZ-21011" markalı avtomaşınla Türkiyə vətəndaşı Yakup Yazıçının idarə etdiyi "Mercedes-Benz" markalı yük avtomaşını toqquşub.
Nəticədə "Jiquli"nin sürücüsü və sərnişinləri - 7 yaşlı oğlu Emin, 11 yaşlı qızı Mətanət, 82 yaşlı anası Güllüzar, qohumları Elza Aslanova, 2 yaşlı Teymur Aslanov hadisə yerində ölüblər. Xəsarət almış digər sərnişinləri - Xatirə və Aynurə Aslanovalar isə xəstəxanaya yerləşdiriliblər, vəziyyətləri ağırdır.