Azərbaycan, Bakı, 1 mart / Trend müxbir K.Zərbalıyeva/
Şabranda su kanalından 29 yaşlı kişi meyiti tapılıb.
Şabran rayon prokurorluğundan Trend-ə verilən məlumata görə, dünən Şabran şəhəri ilə Sincaboyad kəndi arasındakı ərazidən keçən Samur-Abşeron su kanalından 1983-cü il təvəllüdlü, Şabran rayon sakini Şükürov Əbil Şakir oğlunun meyiti tapılıb.
Meyitin üzərində zorakılıq əlamətləri aşkar edilib. Mərhumun öldürülüb kanala atıldığı ehtimal olunur.
Faktla bağlı rayon prokurorluğunda Cinayət Məcəlləsinin qəsdən adam öldürmə (120.1-ci) maddəsi ilə cinayət işi başlanıb.