Azərbaycan, Bakı, 7 may /Trend, müxbir K.Zərbalıyeva/
Zaqatalada daha bir zəlzələ qeydə alınıb.
Respublika Seysmoloji Xidmət Mərkəzindən Trend-ə verilən məlumata görə, yerli vaxtla saat 13:36-da, Zaqatala rayonundan 18 km cənubi-şərqdə zəlzələ qeydə alınıb.
Bu, artıq gün ərzində Zaqatala rayonunda qeydə alınmış dördüncü zəlzəzədir.
Zəlzələ Zaqatalada 4, Qax, Oğuz və Şəki rayonlarında 2-3 bal gücündə hiss olunub.
İnsan tələfatı və tikililərdə dağıntı yoxdur.
Qeyd edək ki, bu gün səhər saat 09:40 radələrində Zaqatalada 7 bal gücündə zəlzələ qeydə alınıb. Rayonun kəndlərində dağıntı qeydə alınıb.