Azərbaycan, Bakı, 26 iyul /Trend, müxbir T.Cəfərov/
İranın Ərdəbil şəhərinin cənubunda yerləşən Şorəbil şəhərində lunaparkda ötən gecə bədbəxt hadisə baş verib. Trend-in məlumatına görə, bu barədə FARS agentliyi xəbər verir.
Məlumata əsasən, Şorəbil şəhər lunaparkında əyləncə aparatlarından birində baş vermiş texniki nasazlıq 2 nəfərin ölümü və 12 nəfərin yaralanmasına səbəb olub.
Hadisə nəticəsində yaralanan şəxslər Ərdəbil şəhər xəstəxanasına çatdırılıb. Yaralıların vəziyyətinin ağır olduğu bildirilir.