Azərbaycan, Bakı, 6 avqust /Trend müxbir K.Zərbalıyeva/
Sabirabadda ötən ilin yanvarında baş vermiş qətlin üstü açılıb.
Trend-in Daxili İşlər Nazirliyinin rəsmi saytına istinadən verdiyi məlumata görə, avqustun 3-də Sabirabad rayon sakini Zeynal Ələkbərovun itkin düşməsi barədə polisə məlumat verilib.
Məlumatla əlaqədar araşdırmalar zamanı onun 2011-ci ilin yanvar ayının 16-da qardaşı Əli (2011-ci ilin aprel ayında öz əcəli ilə ölüb) və arvadı Gülbəniz Ələkbərova tərəfindən öldürülərək Suqovuşan kəndindəki evinin zirzəmisində basdırılması müəyyən edilib.
Ələkbərova Sabirabad rayon polis şöbəsinin əməkdaşları tərəfindən tutulub.