Azərbaycan, Bakı, 15 sentyabr /Trend/
Kürü sexindən mühərrikləri oğurlayan şəxslər tutulub.
Trend Daxili İşlər Nazirliyinin rəsmi saytına istinadən məlumat verir ki, Neftçala RPŞ əməkdaşlarının həyata keçirdikləri əməliyyat-axtarış tədbirləri nəticəsində sentyabrın 13-də "Bankə Balıq" ASC-nin kürü sexindən 2 ədəd mühərrik oğurlamış Bankə qəsəbə sakinləri Elmar Mustafayev və Elvin Şahbazov saxlanılıblar.
Ətraflarında aparılmış əməliyyat tədbirləri nəticəsində onların sentyabrın 10-da da həmin ASC-dən 1 ədəd mühərrik oğurlamaları da müəyyən edilib.