Azərbaycan, Bakı, 10 noyabr /Trend müxbir T.Cəfərov/
İranın Zahidan şəhərindən Tehrana gələn qatarın bir neçə vaqonu relsdən çıxaraq aşıb. Hadisə nəticəsində 4 nəfər ölüb, 26 nəfər yaralanıb. Bu barədə Trend IRNA agentliyinə istinadən məlumat verir.
İranın Qırmızı Aypara Cəmiyyətinin sədri Mahmud Müzəffər deyib ki, hadisə Yəzd şəhəri yaxınlığında baş verib.
Onun sözlərinə görə, ölənlərdən biri sərnişin, digər üç nəfər isə qatarın maşinisti olub.
Müzəffər bildirib ki, yaralılar Yəzd şəhərindəki xəstəxanalara yerləşdiriliblər. Yaralıların vəziyyəti qənaətbəxşdir.
Qatarda ümumilikdə 324 sərnişin olub.