Azərbaycan, Bakı, 3 mart /Trend/
Şamaxı rayonu, Mədrəsə qəsəbəsində "Mercedes" markalı minik avtomobili yol kənarındakı ağaca çırpılıb. Bu barədə FHN-nin rəsmi saytında məlumat verilib.
Nəticədə, sürücü xəsarət alıb və deformasiyaya uğramış nəqliyyat vasitəsində sıxılmış vəziyyətdə qalıb.
Hadisə yerinə cəlb olunmuş yanğınsöndürən-xilasedicilər xüsusi alət və avadanlıqlar vasitəsilə yaralını nəqliyyat vasitəsindən çıxarıb və aidiyyəti üzrə təhvil verib, həmçinin, ərazidə müvafiq təhlükəsizlik tədbirləri görüblər.
Əməliyyat saat 01:10-da başa çatıb.