Azərbaycan, Bakı, 27 mart /Trend/
Goranboyda avtobusla minik maşını toqquşub.
Trend Türkel TV-yə istinadən məlumat verir ki, Goranboy rayonunda 5 nəfərin xəsarət alması ilə nəticələnən yol qəzası baş verib. Goranboy-Aşağı Ağcakənd yolunun 30-cu kilometrliyində qeydə alınan qəzada Cümşüd İsmayılovun idarə etdiyi "Mersedes" markalı mikroavtobus "VAZ 21-011" markalı avtomobillə toqquşub.
Nəticədə mikroavtobusda olan 6 sərnişindən 5-i xəsarət alaraq Goranboy rayon mərkəzi xəstəxanasına yerləşdirilib.