Azərbaycan, Bakı, 13 may /Trend/
Pakistanın cənubi-qərbində baş vermiş terror aktı nəticəsində 6 nəfər ölüb, 46 nəfər yaralanıb. Trend xəbər verir ki, bu barədə "Frans Press" agentliyi yerli hökumətə istinadən məlumat yayıb.
Terrorçu-intiharçı Bəlucistan əyalətinin inzibati mərkəzi Kvetta şəhərində yerli polis rəisinin evinin yaxınlığında partlayıcı maddələr yüklənmiş avtomobildə partlayıcı qurğunu işə salıb.
"Ən azı iki polis əməkdaşı, 3 hərbçi və yolu keçən bir nəfər ölüb", - yerli hökumət nümayəndəsi Əkbər Durrani bildirib.
Məlumata görə, polis rəisi xəsarət almayıb.
Hələ heç bir qruplaşma partlayışa görə məsuliyyəti öz üzərinə götürməyib.