Azərbaycan, Bakı, 21 iyun /Trend, müxbir A.Tağıyeva/
Türkiyənin Hakkari vilayətində Kürd Fəhlə Partiyasının (PKK) yaraqlıları Türkiyə ordusunun hərbi qulluqçularını daşıyan hərbi vertolyotu atəşə tutublar. Bu barədə cümə günü Trend Türkiyə Silahlı Qüvvələrinin saytına istinadən məlumat verir.
Hərbi qulluqçular arasında diviziya və korpus komandirləri də olub. Vertolyot istiqamətində dörd atəş açılıb ki, onlardan biri hədəfə dəyib.
Hadisə nəticəsində xəsarət alan olmayıb. Faktla bağlı araşdırmalar aparılır.
Qeyd edək ki, PKK yaraqlıları mayın 8-dən etibarən Türkiyə ərazisini tərk etməyə başlayıblar.