Azərbaycan, Bakı, 1 iyul /Trend, müxbir İ.İzzət/
Şamaxıda qeyri-rəsmi nikah münasibətlərində olduğu qadını qətlə yetirmiş Daşkəsən rayon sakini tutulub.
Daxili İşlər Nazirliyinin mətbuat xidmətindən Trend-ə verilən məlumata görə, iyunun 30-da Şamaxı rayonu, Mədrəsə qəsəbəsinin ərazisində Daşkəsən rayon sakini Tələt Həmidov qısqanclıq zəminində bıçaqla qeyri-rəsmi nikah münasibətlərində olduğu Qotaz Nəzərovanı öldürüb. Bu az imiş kimi, Həmidov daha sonra onun anası Niyara da xəsarət yetirib.
Şamaxı Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində Həmidov tutulub.
Hazırda törədilən qanlı hadisənin səbəbləri araşdırılır.