Azərbaycan, Bakı, 20 iyul /Trend, müxbir İ.İzzət/
Azərbaycan Ordusunun əsgəri hərbçi yoldaşını gülləyib.
Trend xəbər verir ki, Müdafiə Nazirliyinin Xocavənd rayonunda yerləşən "N" saylı hərbi hissəsində əsgər, 1992-ci il təvəllüdlü Anar Bayram oğlu İbrahimov postda olarkən tabeliyindəki avtomat silahdan ehtiyatsızlıqdan atəş açılıb.
Nəticədə güllə onun əsgər yoldaşı, 1994-cü il təvəllüdlü əsgər Şamxal Vüqar oğlu Cəfərova dəyib. Cəfərov aldığı xəsarətdən hadisə yerindəcə ölüb.
Faktı Trend-ə Müdafiə Nazirliyinin mətbuat xidmətindən də təsdiqləyiblər. Nazirlikdən bildiriblər ki, baş vermiş hadisə ilə bağlı cinayət işi başlanıb, araşdırma aparılır.