Azərbaycan, Bakı, 23 iyul /Trend/
Türkiyənin Antalya vilayətində Kəmər-Qumluca avtomobil yolunun 25-ci km-dəki meşə massivində yanğın baş verib.
Trend "Anadolu" agentliyinə istinadən məlumat verir ki, axşam saatlarında başladığı bildirilən yanğının qarşısının alınmasına 100-ə yaxın yanğınsöndürən cəlb olunub. Bölgəyə Qumluca, Finike, Kəmər, Kaş kimi ətraf rayonlardan da yanğınsöndürən briqadalar göndədirilib.
Küləyin olmaması səbəbindən yanğının daha böyük ərazini cənginə alacağı istisna edilir.
Qeyd edək ki, bu gün Bodrum vilayətində də meşə yanğınları baş vermişdi.