Azərbaycan, Bakı, 10 avqust /Trend/
İndoneziya hakimiyyəti Rokatenda vulkanının püskürməsi səbəbindən Palue adasından təqribən 3 min nəfəri təxliyyə edib. Bu barədə Trend RİA Novosti-yə istinadən məlumat verir.
"Assoşieyted Press" agentliyinin məlumatına görə, vulkan püskürməsi nəticəsində ölənlərin sayı 6 nəfərə çatıb. Bundan əvvəl 5 nəfərin öldüyü bildirilirdi.
Ölənlərdən ikisinin uşaq olduğu deyilir.
Şənbə günü Şərqi Nusa-Tenqara vilayətində Rokatenda vulkanı püskürməyə başlayıb. KİV-in məlumatına görə, lava axını Rokirole kəndində bir neçə evi dağıdıb.