Azərbaycan, Bakı, 12 avqust /Trend, müxbir A. Tağıyeva/
Livanda "Türkiyə Hava Yolları" aviaşirkətinin iki pilotunun oğurlanmasına dair işin araşdırılması çərçivəsində şübhəli bilinən şəxs saxlanılıb. Bu barədə Trend "Əl- Cəzirə" telekanalına istinadən məlumat verir.
Məlumatda bildirilir ki, saxlanılan şəxs pilotların oğurlanması ilə birbaşa əlaqəli olanlardan birinin qohumudur.
Xatırladaq ki, Livanın paytaxtı Beyrutda "Türk Hava Yolları" aviaşirkətinin iki pilotu oğurlanıb.