Azərbaycan, Bakı, 29 avqust /Trend, müxbir İ.İzzət/
Qubada güclü yağışın yağması nəticəsində 100-dən çox yaşayış evinə su dolub.
Trend Regional TV-yə istinadən xəbər verir ki, axşam saatlarından başlayaraq Quba şəhəri və ətraf kəndlərə güclü yağış yağıb. Nəticədə küçələrdə yığılan su evlərə dolub.
Quba şəhərinin Vaqif küçəsində, Alekseyevka kəndində və Qırmızı qəsəbədə 100-dən çox evə ziyan dəyib. Yeni kanalizasiya xətləri vasitəsilə axan su çirkab sularına qarışaraq evlərin həyətlərinə, zirzəmilərinə və otaqlara daxil olub.
Qeyd olunan ərazidə hələ də güclü yağış müşahidə olunur.