Azərbaycan, Bakı, 15 oktyabr /Trend/
Filippinin cənubunda 7,2 bal gücündə zəlzələ olub. Trend-in RİA Novosti-yə istinadən verdiyi məlumata görə, bu barədə ABŞ Geoloji Xidməti (USGS) xəbər yayıb.
Yeraltı təkanlar yerli vaxtla saat 08:13-də (Bakı vaxtı ilə 05:13) baş verib. Zəlzələnin episentri Bohol adasında, ocağı isə 33 kilometr dərinlikdə olub. Bir qədər sonra 4 dəqiqə ərzində 5,4 və 5,2 bal gücündə təkrar təkanlar qeydə alınıb.
"Reuters" agentliyi yerli hakimiyyətə istinadən məlumat verir ki, zəlzələ nəticəsində Kebu şəhərində bina dağılıb, 4 nəfər ölüb.
Sunami təhlükəsi yoxdur.