Azərbaycan, Bakı, 15 noyabr /Trend/
Günorta saatlarında Bakı-Qazax magistralının 386-cı km-də - Şəmkir rayonu Əliyaqublu kəndi ərazisində yol qəzası baş verib.
Trend-in Kəpəz TV-yə istinadən verdiyi məlumata görə, qəza zamanı "VAZ 21015" və "Opel" markalı maşın toqquşub. Nəticəsində 5 nəfər xəsarət alıb. Əraziyə FHN-in xilasediciləri cəlb olunub.
"VAZ 21015" markalı avtomobildə olanlar N saylı hərbi hissənin qulluqçularıdır.
Xəsarət alanlardan ikisi "Opel"in sürücüsü və sərnişini, 3-ü isə "VAZ 21015"-in sürücüsü və sərnişinləridir.
Hadisəyə "VAZ" markalı maşının dönmə əməliyyatını düzgün yerinə yetirməməsinin səbəb olduğu bildirilir.
Qəza ilə əlaqədar yolda hərəkət məhdudlaşdırılıb.