Azərbaycan, Bakı, 20 dekabr /Trend/
Paytaxt polisi dekabrın 19-da Moskvanın Kutuzov prospektində baş vermiş yol qəzası nəticəsində Dağıstan hökumətinin sədr müavini Hacı Maxaçevin həlak olması barədə məlumatı təsdiqləyib. Bu barədə Trend RİA Novosti-yə istinadən xəbər verir.
Bundan əvvəl Dağıstanın hüquq mühafizə orqanlarındakı mənbə bildirmişdi ki, yol qəzasında H.Maxaçev və həyat yoldaşı ölüb, onun uşaqları isə xəstəxanaya yerləşdirilib.
Paytaxt polisinin mətbuat xidmətinin nümayəndəsi bildirib: "İlkin məlumata görə, yol qəzası nəticəsində 3 nəfər həlak olub. Ölənlər arasında Dağıstan Respublikası hökumətinin sədr müavini Hacı Maxaçev də olub".