Təfərrüatlar əlavə olunub (ilk xəbər saat 21:39-da yayılıb)
Azərbaycan, Bakı, 24 dekabr /Trend/
"Binə" Ticarət Mərkəzində 4-5 sırada başlayan yanğın bir neçə mağazaya keçib. Bu barədə Trend-ə hadisə şahidləri məlumat veriblər.
Fövqəladə Hallar Nazirliyinin Dövlət Yanğından Mühafizə Xidmətindən Trend-ə bildiriblər ki, yanğın geniş ərazini əhatə edib.
Məlumata görə, yanğının əhatəsi genişləndiyindən, 4-cü dərəcəli çağırış elan edilib. Çoxlu sayda canlı qüvvə və texnika cəlb olunub.
Hadisə yerinə 10-a yaxın yanğınsöndürən maşın cəlb edilib.
Şahidlərin Trend-in hadisə yerində olan əməkdaşına verdiyi məlumata görə, ən azı 20-dən artıq ticarət obyekti yanıb. Əsasən ikinci mərtəbədə olan ticarət obyektlərinə ziyan dəyib.
Yanğın zamanı xəsarət alan olmayıb.
FHN-dən də Trend-ə bildiriblər ki, artıq yanğın tam söndürülüb, hazırda kəşfiyyat işi aparılır.