Azərbaycan, Bakı, 20 yanvar /Trend, müxbir İ.İzzət/
Bakıda baş verən yol qəzasında sürücü 75 yaşlı qocanı vuraraq öldürüb.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, yanvarın 19-u saat 12:30 radələrində, Xəzər rayonu Buzovna-Zaqulba şossesində Qubadlı rayon sakini 1981-ci il təvəllüdlü Yaşar Babayev idarə etdiyi "Mercedes" markalı avtomobillə qəsəbə sakini 1939-cu il təvəllüdlü Əşrəf Hümbətovu vurub. Nəticədə 75 yaşlı Ə.Hümbətov aldığı xəsarətdən hadisə yerində ölüb.
Faktla bağlı Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma; eyni əməllər ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi açılıb, araşdırma aparılır.