Azərbaycan, Bakı, 8 mart /Trend/
Neftçalada minik avtomobili Kür çayına düşüb.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, Neftçala rayonu, Cəngan kəndi ərazisində Kür çayına "VAZ" markalı minik avtomobili düşüb.
Hadisə yerinə cəlb edilmiş nazirliyin dalğıc-xilasediciləri avtomobilin və həmin nəqliyyat vasitəsinin sürücüsünün - 1977-ci il təvəllüdlü Nəcəfov Şamil Fazil oğlunun cəsədini sudan taparaq çıxarıb, aidiyyəti üzrə təhvil veriblər.