...

İraqda terror aktı nəticəsində ölənlərin sayı 32 nəfərə çatıb, 150-yə yaxın yaralı var

Hadisə Materials 9 Mart 2014 13:56 (UTC +04:00)

Azərbaycan, Bakı, 9 mart /Trend/

İraqın əl-Hilla şəhərində törədilmiş terror aktı nəticəsində 32 nəfər ölüb, 147 nəfər xəsarət alıb. Trend-in məlumatına görə, bu barədə "Reuters" agentliyi yerli polisə istinadən xəbər yayıb.

Bundan əvvəl 12 nəfərin öldüyü, 60 nəfərin isə yaralandığı bildirilirdi.

Hadisə bu gün səhər saatlarında əl-Hilla şəhərindəki (Bağdaddan 95 km cənubda) nəzarət-buraxılış məntəqəsində baş verib. Terrorçu-intiharçı mikroavtobusa bərkidilmiş partlayıcı qurğunu işə salıb. Partlayış nəticəsində sərnişinlərin olduğu 50 avtomobildə yanğın baş verib.

Polisin məlumatına görə, NBM-in bir hissəsi dağılıb.

Xəbər lenti

Xəbər lenti