Azərbaycan, Bakı, 7 iyul /Trend/
Qəbələ rayonu, Savalan kəndində dağlıq ərazidə yanğın hadisəsi baş verib.
Trend Fövqəladə Hallar Nazirliyinin rəsmi saytına istinadən məlumat verir ki, dərhal hadisə yerinə nazirliyin Dövlət Yanğından Mühafizə Xidmətinin canlı qüvvə və texnikası, o cümlədən Aviasiya Dəstəsinin 2 vertolyotu cəlb edilib.
Hazırda yanğının söndürülməsi üzrə işlər davam etdirilir.