Azərbaycan, Bakı, 23 iyul /Trend, müxbir İlkin İzzət/
Ötən gün respublika yollarında baş vermiş qəzalar nəticəsində iki nəfər ölüb.
Trend Daxili İşlər Nazirliyinin saytına istinadən xəbər verir ki, ötən gün respublikanın avtomobil yollarında 5 yol-nəqliyyat hadisəsi baş verib. Nəticədə 2 nəfər ölüb, 6 nəfər yaralanıb.
Respublikanın daxili işlər orqanları tərəfindən gün ərzində 50 cinayət faktı qeydə alınıb, onların da 20-si "isti izlər"lə açılıb.
Cinayət Məcəlləsinin müxtəlif maddələri ilə axtarılan 13 nəfər tutularaq istintaq orqanlarına təhvil verilib.
Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 6, qanunsuz saxlanılan silah-sursatla bağlı 1 fakt müəyyən edilib. Cinayət törətdiklərinə görə 23 nəfər tutulub.