Bakı. Trend:
Ağstafa rayonunun Pirili kəndində Elman İbrahimova məxsus həyətdə yanğın baş verib.
Trend Kəpəz TV-yə (Region TV) istinadən xəbər verir ki, kənd sakininin mal-qara üçün yığdığı 14 ton ot yanaraq yararsız hala düşüb.
Alovu söndürmək mümkün olmadığından kəndə Ağstafa YMH-nin canlı qüvvəsi və avtomobilləri çağırılıb. Görülən qabaqlayıcı tədbirlər nəticəsində kənd sakininə məxsus 30 ton ot bağlamasının yarısından çoxunu söndürmək mümkün olub. Ətrafdakı tikililər, mal-qara yanğından zərər görməyib.
Yanğının baş vermə səbəbləri araşdırılır.