Bakı. Trend:
Bakı-Qazax magistralının Şəmkir rayonu ərazisindən keçən hissəsində yol qəzası baş verib.
Trend Kəpəz TV-yə (Region TV) istinadən məlumat verir ki, "Mercedes" markalı avtomobil onunla eyni istiqamətdə hərəkət edən "VAZ 2105"-ə arxadan çırpılıb.
Nəticədə "VAZ" markalı nəqliyyat vasitəsinin sürücüsü idarəetməni itirib və avtomobil hərəkət zolağından çıxaraq yol kənarına düşüb. Hadisə zamanı "VAZ"-ın sürücüsü 53 yaşlı Fəxrəddin Hacıyev müxtəlif dərəcəli bədən xəsarətləri alıb. Yaralı dərhal Şəmkir Mərkəzi Rayon Xəstəxanasına çatdırılıb. Ona ilkin tibbi yardım göstərilib, vəziyyəti stabildir.
Faktla bağlı araşdırmalar aparılır.