Bakı. Trend:
Tovuz rayonunda yanğın hadisəsi baş verib.
Fövqəladə Hallar Nazirliyindən Trend-ə verilən məlumata görə, rayonun Şamlıq kəndində vətəndaşa məxsus ümumi sahəsi 150 kv.m olan birmərtəbəli 7 otaqdan ibarət yeməkxananın yanar konstruksiyaları və yaxınlıqda olan 5 ədəd ağac qismən yanıb.
Yaxınlıqdakı tikililər yanğından mühafizə olunub. Yanğın saat 13:34-də yanğınsöndürənlər tərəfindən söndürülüb.