Bakı. Trend:
Rusiya hökuməti Ukrayna ilə sərhəd məntəqələrdə sanitar nəzarəti gücləndirib.
Trend-in məlumatına görə, qərar Ukraynada tüğyan edən qızılcaya yoluxma ilə əlaqədar qəbul edilib.
Belə ki, son 11 ay ərzində 3000-dən çox insanda qızılcaya yoluxma faktı aşkarlanıb.
Daha pis vəziyyət İvano-Frankovski, Zakarpatiya vilayətlərində qeydə alınıb. Odessada isə 3-ü uşaq olmaqla, 5 nəfər qızılcadan ölüb.
Kiyevdə qızılcanın belə geniş yayılmasının səbəbi olaraq uşaqların vaxtında peyvənd olunmaması göstərilib.