...

İçərisində külli miqdarda pul olan seyfi oğurlayan şəxs tutuldu (FOTO)

Hadisə Materials 22 Yanvar 2018 14:29 (UTC +04:00)
Yasamal rayonunda içərisində 35000 manat və 18800 dollar olan seyfi oğurlayan şəxs polislər tərəfindən saxlanılıb.
İçərisində külli miqdarda pul olan seyfi oğurlayan şəxs tutuldu (FOTO)

Bakı. Trend:

Yasamal rayonunda içərisində 35000 manat və 18800 dollar olan seyfi oğurlayan şəxs polislər tərəfindən saxlanılıb.

Bu barədə Trend-ə Daxili İşlər Nazirliyinin Mətbuat xidmətindən məlumat verilib.

Yasamal Rayon Polis İdarəsi 29-cu Polis Bölməsi əməkdaşlarının həyata keçirdikləri əməliyyat nəticəsində ötən ilin sentyabr ayında baş verən və zərərçəkənə külli miqdarda ziyan vurmaqla törədilən oğurluq cinayətinin üstü açılıb.

Həyata keçirilən əməliyyat-axtarış tədbiri nəticəsində Bakı şəhər sakini olan bir qadının yaşadığı evə qanunsuz daxil olaraq oradan içərisində 35000 manat və 18800 dollar olan seyfi oğurlamaqda şübhəli bilinən Gəncə şəhər sakini Nicat İsrafilov saxlanılıb. N.İsrafilov istintaqa ifadəsində qeyd edilən evdən oğurluq etdiyini etiraf edib.

Qeyd edilən faktla bağlı Yasamal RPİ-nin İstintaq Şöbəsində Cinayət Məcəlləsinin müvafiq maddələri ilə cinayət işi başlanılıb, zəruri istintaq hərəkətləri, eləcə də təxirəsalınmaz əməliyyat-axtarış tədbirləri davam etdirilir.

Məqalədə:
Xəbər lenti

Xəbər lenti