...

Xuliqanlıqda təqsirləndirilən MTN zabiti azadlığa buraxıldı

Hadisə Materials 2 İyul 2018 18:35 (UTC +04:00)
Ləğv edilmiş Milli Təhlükəsizlik Nazirliyinin (MTN) xuliqanlıqda təqsirləndirilən zabiti azadlığa buraxılıb.
Xuliqanlıqda təqsirləndirilən MTN zabiti azadlığa buraxıldı

Bakı. Samir Əli - Trend:

Ləğv edilmiş Milli Təhlükəsizlik Nazirliyinin (MTN) xuliqanlıqda təqsirləndirilən zabiti azadlığa buraxılıb.

Bu barədə Trend-ə təqsirləndirilən şəxsin vəkili Adəm Məmmədov məlumat verib.

A.Məmmədovun sözlərinə görə, təqsirləndirilən şəxs Yasamal rayon Məhkəməsinin qərarı ilə bəraət alıb.

Hakim Azər Tağıyevin sədrliyi ilə məhkəmə qərarı elan olunub.

Məhkəmə təqsirləndirilən şəxsin günahsız olduğunu üzə çıxarıb və onun azadlığa buraxılması barədə qərar qəbul edib.

Bundan başqa, məhkəmə işi araşdıran müstəntiq Ceyhun Mahmudovun əməlində qanunsuzluğa yol verildiyi qənaətinə gəlib və onun barəsində xüsusi qərardad qəbul edib.

Xatırladaq ki, ləğv edilmiş MTN-in baş əməliyyat müvəkkili, kapitan, "Maqa" ləqəbli Məmmədov Məhəmməd Mehman oğlu Cinayət Məcəlləsinin 221-ci (xuliqanlıq) maddəsilə təqsirləndirilərək həbs edilmişdi.

Məqalədə:
Xəbər lenti

Xəbər lenti