Bakı. Trend:
Nəsimi rayonunda barmağında dəmir halqa qalan azyaşlı xilas edilib.
FHN-dən Trend-ə verilən məlumata görə, Böhran Vəziyyətlərində İdarəetmə Mərkəzinə Bakı şəhərinin Nəsimi rayonunda 1 azyaşlının barmağında dəmir halqanın sıxılaraq qalması barədə məlumat daxil olub.
Hadisə yerinə cəlb olunmuş Xüsusi Riskli Xilasetmə Xidmətinin xilasediciləri halqanın müvafiq qaydada çıxarılmasını təmin ediblər.
Əməliyyat başa çatıb.